Ганчарэнка можа ўзначаліць «Кайрат»

Казахстанскі «Кайрат» пачаў пошук новага галоўнага трэнера.

У шорт-ліст казахстанскага «Кайрата», які пачаў пошук новага галоўнага трэнера, уваходзяць расеец Аляксандр Барадзюк і беларус Віктар Ганчарэнка, паведамляе «Савецкі спорт».

Раней паведамлялася, што галоўны трэнер «Кайрата» Уладзімір Вайс пакінуў каманду па заканчэнні тэрміну кантракту.

Перад Вайсам была пастаўленая задача перамагчы ў чэмпіянаце краіны, але ў выніку каманда заняла другое месца, саступіўшы першынство «Астане».

Ганчарэнка ўвосень увайшоў у трэнерскі штаб ЦСКА, Барадзюк пасля сыходу з «Тарпеда» застаецца без працы.