На трох вуліцах Менска забароняць прыпынак і стаянку транспарту
5- 2.12.2015, 14:35
- 12,018
У Менску 3 снежня забаронены прыпынак і стаянка машын на трох вуліцах Ленінскага раёна.
- З 00.00 да 13.00 3 снежня забараняецца прыпынак і стаянка аўтамабіляў на вуліцах Маякоўскага, Свярдлова і Ігуменскім тракце, - паведамілі tut.by у АДАІ Ленінскага раёна. - ДАІ просіць аўтамабілістаў вызваліць праезную частку ад сваіх аўтамабіляў.
У выпадку, калі нейкія машыны застануцца прыпаркаванымі, іх эвакуююць: машыны, пакінутыя на стаянцы з парушэннем правілаў - на штрафстаянку, аўтамабілі пакінутыя без парушэнняў - на найбліжэйшую прылеглую тэрыторыю.
Даведацца пра месцазнаходжанне аўтамабіляў можна будзе праз мабільны тэлефон дзяжурнай часткі Ленінскага РУУС.