NATO стварае камандныя цэнтры ва Усходняй Еўропе
2- 1.02.2015, 10:22
- 7,390
У выпадку надзвычайных сітуацый яны возьмуць на сябе ролю пунктаў кіравання і сувязі.
NATO рыхтуе сваю доўгатэрміновую вайсковую прысутнасць у шасці краінах Усходняй Еўропы і з гэтай мэтай створыць у іх спецыяльныя камандныя цэнтры. Пра гэта паведаміла ў нядзелю 1 лютага, нямецкая газета Frankfurter Allgemeine Sonntagszeitung, паведамляе Deutsche Welle.
З яе звестак, так званыя "інтэграцыйныя падраздзялення сіл NATO" з'явяцца ў Латвіі, Літве, Эстоніі, Балгарыі і Польшчы, а ў перспектыве - і ў Вугоршчыне.
У кожным такім цэнтры будуць задзейнічаныя да 40 вайскоўцаў альянсу, прычым палову з іх складуць мясцовыя вайскоўцы. Бундэсвер гатовы даць для ўдзелу ў гэтай праграме 25 вайскоўцаў.
Задачай новых цэнтраў стане падрыхтоўка сіл хуткага рэагавання NATO, а ў выпадку надзвычайных сітуацый яны возьмуць на сябе ролю пунктаў кіравання і сувязі.
Стварэнне спецыяльных камандных цэнтраў у краінах Усходняй Еўропы з'яўляецца часткай канцэпцыі NATO, якую плануецца зацвердзіць на сустрэчы міністраў абароны краін-чальцоў альянсу ў чацвер, 5 лютага, адзначае нямецкая газета.