Тарыфы на транспартаванне нафты праз Беларусь выраслі на 11%
4- 1.02.2015, 13:10
- 6,452
Падвышаныя тарыфы на паслугі транспартавання нафты па магістральных трубаправодах ААТ «Гомельтранснафта Дружба» і «Полацктранснафта Дружба».
У адпаведнасці з пастановай Міністэрства эканомікі ад 22 студзеня пры разліку ў беларускіх рубля тарыфы падвышаныя на 11%: да 4105 рублёў за тону нэта на маршруце Рэчыца - ААТ «Мазырскі нафтаперапрацоўчы завод»; да 47603 рублёў на маршруце Рэчыца - Адамава Застава; да 3508 рублёў на маршруце Рэчыца - лінейная вытворчая дыспетчарская станцыя (ЛВДС) Мазыр, піша БелаПАН.
Пры ажыццяўленні разлікаў у замежнай валюце тарыфы падвышаныя на 9,7%. На маршруце Невель - Полацк - ААТ «Нафтан» тарыф складзе 28,50 расейскіх рублёў за адну тону, Унеча (Высокае) - Полацк - ААТ «Нафтан» - 109,38 расейскага рубля, Унеча (Высокае) - Мазыр - ААТ "Мазырскі нафтаперапрацоўчы завод "- 50,05 расейскага рубля.
Апошнім разам тарыф на транзіт расейскай нафты праз тэрыторыю Беларусі падвышаўся год таму, 1 лютага 2014 года. Тады падвышэнне склала 8,3-8,9%.