З дзіцячага садка пад Мазыром эвакуявалі дзяцей праз расколіну ў сцяне

Праз утварэнне расколін у міжпакаёвых сценах прыпыненая праца дзіцячага садка ў вёсцы Слабада Мазырскага раёна.

Цяпер створаная камісія для высвятлення прычын таго, што адбылося, паведамляе БелТА.

Работнікі дзіцячага садка, якія прыйшлі на ранішнюю змену, заўважылі расколіны, што ўтварыліся ў міжпакаёвай цаглянай перагародцы памяшкання для захоўвання спартыўнага інвентару, якая прымыкае да музычнай залы. Іх шырыня, як мяркуецца, дасягнула 10-15 см. Пасля гэтага мясцовыя ўлады пастанавілі перавесці выхаванцаў садка, а гэта 23 дзіцяці, у сельскую школу, адкуль дзяцей і забралі бацькі.

Пры візуальным аглядзе памяшкання, праведзеным супрацоўнікамі раённага аддзела МНС, было выяўлена, што трэшчына ў сцяне працягвае перамяшчацца ўніз. Невялікія расколіны таксама выяўленыя і ў іншых сценах. Паводле папярэдняй інфармацыі, прычынай іх утварэння стаў разрыў водаправода з халоднай вадой, размешчанага ў цокальнай частцы будынка, што справакавала падмыў грунту. Цяпер водазабеспячэнне перакрытае. Работнікі жыллёва-камунальнай гаспадаркі займаюцца ліквідацыяй парыву. Адначасова выкліканыя спецыялісты, якія правядуць абследаванне апорных канструкцый будынка на бяспеку іх далейшай эксплуатацыі.

У прэс-службе дадалі, што гэты двухпавярховы дзіцячы садок быў пабудаваны ў 1979 годзе. Капітальны рамонт будынка праводзіўся ў 2008 годзе. Пры гэтым падчас рамонту водаправодныя камунікацыі не абнаўляліся.