Японцы паказалі Nissan Leaf, які свеціцца ў цемры
8- 13.02.2015, 14:52
- 11,347
Мадэль пакрылі спецыяльнай фарбай, якая назапашвае ультрафіялетавае выпраменьванне на працягу дня і свеціцца ўвечары.
У Nissan прэзэнтавалі электракар Nissan Leaf, які свеціцца ў цемры, паведамляе СarsСoops. Мадэль пакрылі спецыяльнай фарбай з дадаваннем алюмінату стронцыю - біялагічна і хімічна інэртнага цвёрдага рэчыва яскравага колеру. Пакрыццё назапашвае ультрафіялетавае выпраменьванне на працягу дня і свеціцца ўвечары, піша korrespondent.net.
Японцы адзначылі, што такая тэхналогія ўжо даўно выкарыстоўваецца тунінгавымі кампаніямі, але ніводзін аўтавытворца яшчэ афіцыйна яе не ўжываў.
Таксама паведамляецца, што Nissan ў цяпер тэстуе кампактвэн Note, пакрыты спецыяльнай фарбай, у склад якой уваходзяць вода- і тлушчаадпорныя рэчывы.
Пакуль невядома, ці будзе японскі аўтавытворца прапаноўваць зіхоткую фарбу ў якасці опцыі для Leaf. У кампаніі толькі падкрэслілі: "Калі наша унікальная фарба калі-небудзь стане даступнай для замовы, яна праслужыць цягам 25 гадоў".
Нагадаем, Nissan Leaf прадаецца з 2010 года. Аўтамабіль абсталяваны электраматорам, якія развівае 109 к.с., а запас руху складае 199 кіламэтраў.