У Лагойскім раёне на тэрыторыі школы выбухнула кацельня
31- 15.02.2015, 16:41
- 24,467
Загінуў мясцовы жыхар.
Пра гэта charter97.org паведамілі ў прэс-службе МНС.
«15 лютага а 08.38 на «101» ад мясцовага жыхара паступіла паведамленне пра разрыў катла ў кацельні ДУА «Акцябрская СШ» в.Акцябр Лагойскага раёна. Да месца здарэння выязджалі аператыўныя групы Менскай абласной управы МНС, Лагойскага РАНС, Дэпартамента нагляду за бяспечным вядзеннем работ у прамысловасці Міністэрства надзвычайных сітуацыяй Рэспублікі Беларусь, УЖКГ Менскай вобласці, камісія НС Лагойскага райвыканкама, супрацоўнікі РАУС, Следчага камітэта і пракуратуры, брыгада хуткай медыцынскай дапамогі. Выратавальнікам, якія прыбылі да месца выкліку, стала вядома, што адбыўся разрыў катла на цвёрдым паліве без наступнага гарэння ў кацельні», - гаворыцца ў паведамленні.
Да прыбыцця падраздзяленняў МНС з будынка кацельні мясцовым насельніцтвам вынесены на двор 24-гадовы жыхар в.Акцябр. Выбуховай хваляй мужчына быў смяротна траўмаваны.
Як мяркуецца, прычына разрыву катла - парушэнне правілаў эксплуатацыі печаў, цеплагенерацыйных агрэгатаў і прылад (адсутнасць цыркуляцыі вады ў сістэме).