ДТЗ у Менску: аўтамабіль вылецеў на тратуар

У Менску ў выніку ДТЗ аўтамабіль вылецеў на тратуар і збіў трох чалавек.

Пра гэта паведаміла старшая інспектарка агітацыі і прапаганды аддзела ДАІ Маскоўскага РАУС Любоў Трапашка, піша БелТА.

«Сёння на скрыжаванні вуліц Ясеніна і Рафіева прыкладна а 17.15 адбылося ДТЗ з удзелам двух аўтамабіляў «Опель Вектра» і «Опель Астра». 32-гадовы кіроўца «Опель Вектра» рухаўся па вуліцы Ясеніна з боку вуліцы Слабадской у напрамку Рафіева. Другі кіроўца (39 гадоў) рухаўся яму насустрач па вуліцы Ясеніна з боку Громава», - распавяла Любоў Трапашка.

На скрыжаванні «Опель Вектра» паспрабаваў развярнуцца, аднак другі аўтамабіль, прадаўжаючы ехаць прама, не змог пазбегнуць сутыкнення. Ад удару «Опель Астра» выкінула на тратуар, дзе аўтамабіль учыніў наезд на мужчыну 1980 года нараджэння, жанчыну 1951 года нараджэння, якая была з пяцігадовай унучкай.

У выніку мужчына атрымаў чэрапна-мазгавую траўму сярэдняй ступені цяжкасці і закрыты пералом левай нагі. Жанчына атрымала пералом галенастопа, а дзіця, папярэдне, удар нагі. Паводле факта ДТЗ праводзіцца праверка.