Праз прарыў водаправода ў цэнтры Віцебску ўтварыўся каток

У ДТЗ трапілі блізу 5 машын, у тым ліку «хуткая».

Аб гэтай аварыі паведаміў наш чытач onliner.by з нікам WinterDream. Ён распавёў, што праз прарыў водаправода сапраўдны каток даўжынёй блізу 100 метраў утварыўся на праезнай частцы ў самым цэнтры Віцебска - у раёне плошчы Перамогі, на скрыжаванні Маскоўскага праспекта з вуліцай Леніна. На слізкай дарозе ўтварылася куча з некалькіх машын. У іх ліку - хуткая дапамога.

«На плошчы Перамогі ў нас ёсць фантан. На зіму яго, натуральна, адключаюць. Але мабыць, штосьці там прарвала. З люка пайшла вада і заліла праезную частку. У выніку ўтварыўся каток метраў, напэўна, 100. Як раз на павароце з Маскоўскага праспекта на вуліцу Леніна. Там машыны звычайна нармальна так прытарможваюць перад паваротам. І вось сёння дзесьці а 10:30 там у кучу сабраліся машын пяць. Хтосьці, мабыць, затармазіў, за ім машыну панесла, іншую таксама. Утварылася сапраўдная куча. Без пацярпелых, машыны, вядома, з пашкоджаннямі, але без сур'ёзных. «Хуткая» у ДТЗ трапіла, «Жыгулі» з расейскімі нумарамі, Citroen, Peugeot... Але іх неяк хутка расцягнулі. Звычайна ў нас доўга афармляюць, а тут я неўзабаве назад ехаў той жа дарогай - ужо нікога не было, а каток пяском пасыпалі», - распавёў WinterDream.

У ДАІ Віцебскай вобласці ад каментароў адмовіліся.