На стаянцы ў Барыспалі трапіў у аварыю беларускі самалёт

Сёння ў горадзе Барыспаль на стаянцы захоўвання авіятэхнікі адбылося сутыкненне двух лятальных апаратаў.

На самалёце Ан-26Б EW-246TG, на корпусе якога быў намаляваны афіцыйны сцяг Беларусі, тэхнічны персанал рыхтаваў рухавікі да тэхнічнага прагону. У выніку грубай памылкі рухавік быў выведзеныя на рэжым «максімал» і самалёт пачаў рух па тэрыторыі стаянкі, у выніку ён сутыкнуўся з Як-40 UR-MIG.

Праводзіцца расследаванне, піша ТСН.

Стаянкі, дзе адбылося сутыкненне, знаходзяцца ў горадзе Барыспаль, недалёка ад аэрапорта «Барыспаль», і абслугоўваюцца структурамі Мінабароны Украіны.