Аварыя на МКАД: Peugeot апынуўся ў кювеце

На ўнутраным коле МКАД у кювет перакуліўся Peugeot 206. Дзяўчына-кіроўца шпіталізаваная.

ДТЗ здарылася ўчора а 19:00, піша onliner.by.

«Унутранае кола МКАД за Даўгінаўскім. Заўважыў адзін легкавік у кювеце. Вельмі памяты. Куча машын ДАІ і МНС. Па вонкавым ляцелі хуткія. Спадзяемся на ўсё добрае», - паведаміў ён.

«За стырном аўтамабіля знаходзілася дзяўчына 1989 года нараджэння. Побач з ёй на пярэднім пасажырскім сядзенні ехаў яе муж 1988 года нараджэння. Паводле папярэдняй версіі, кіроўца не справілася з кіраваннем, выехала за межы МКАД, аўтамабіль перакуліўся ў кювет і некалькі разоў перавярнуўся», - паведамілі ў ДАІ. Там дадалі, што дзяўчына ў момант аварыі вылецела з аўтамабіля. Яе шпіталізавалі з папярэднім дыягназам «адкрытая чэрапна-мазгавая траўма цяжкай ступені". Яна была ў свядомасці. Яе мужа таксама адвезлі ў бальніцу. У мужчыны, паводле наяўнай інфармацыі, чэрапна-мазгавая траўма сярэдняй ступені і ўдар грудной клеткі. Пасля медыцынскай дапамогі яго адпусцілі дадому.