Ніна Хрушчова: Пуцін прадаўжае справу Берыя

Прэзідэнт Расеі «спароджаны» КДБ.

Як адзначыла Ніна Хрушчова, праўнучка Мікіты Хрушчова і палітолаг універсітэта "New School" (Нью-Ёрк) Захад дагэтуль не разумее, што на самой справе лінія Пуціна цягнецца ад Берыя, а гэта застаецца назаўжды. Пра гэта Ніна Хрушчова заявіла ў эфіры Еспресо.TV, паведамляе УНН.

"На самой справе Пуцін народжаны КДБ. Ён з той лініі. У свой час яна перастала быць такой патрэбнай і важнай, але яна ідзе ад Берыя. Дзе мацней, дзе слабей. Калісьці на Захадзе было шмат аналітыкаў, якія гэта ўсё цудоўна разумелі, але цяпер яны кудысьці нечакана падзеліся і ўсе пачалі думаць, як бы Пуціна ўгаварыць, таму што ён "заходні лідар". Ён не "заходні лідар", ён выхадзец з КДБ і застанецца ім назаўсёды", - заявіла Ніна Хрушчова.