Сяргей Міхалок: Кожную секунду трэба змагацца

Канцэрт Brutto з аншлагам прайшоў у Адэсе.

27 лютага ў Адэсе прайшоў першы канцэрт Сяргея Міхалка з новым праектам Brutto.

Сярод іншых Міхалок выканаў песню «Гары», ён прысвяціў яе загінулым абаронцам Украіны. Падчас выканання песні «Ваяры Святла» зала «выбухнула», скандуючы «Слава Украіне!», піша odessa-life.od.ua.

У перапынку паміж песнямі Сяргей Міхалок заявіў, што ў цяперашняй сітуацыі трэба змагацца кожную секунду.

«Сёння мы жывыя. Сёння мы нешта вычвараем. Сёння мы кагосьці палохаем. І, можа быць, камусьці давядзецца залавіць. Так што давайце не забываць, што няма ніякіх дамоўленасцяў. Няма ніякага замірэння. Кожную секунду трэба змагацца. Трэба вычвараць і трэба быць гатовым кожную секунду абараніць сябе, сваіх блізкіх і сваіх сяброў. Вось новае правіла Brutto! Таму вельмі незразумелыя размовы пра паўтоны. Трохі налева, трохі направа... Галоўнае, каб не назад і не пад зямлю...

Мы нікому не верым! Нас ужо столькі разоў падманвалі. Мы ні ад каго не чакаем ніякай дапамогі, нас ужо столькі разоў падставілі пад абух і падманулі. Таму мы разумеем, што адзіны магчымы спосаб выжыць - гэта заняць вакольную абарону. Таму наш беларуска-ўкраінскі атрад музычнага адпору, творчага тэрору Brutto на некаторы час не прызнае ніякіх прынцыпаў», - заявіў ён.