Эстонскі гоншчык утапіў у возеры свой Ford Fiesta RS WRC (Відэа)
2- 10.03.2015, 12:55
- 8,242
Эстонскі гоншчык От Танака і ягоны штурман Райга Малдэр патрапілі ў сур'ёзную аварыю на этапе чэмпіянату свету ў класічным ралі ў Мексіцы.
Не справіўшыся з кіраваннем свайго M-Sport Ford Fiesta RS WRC, Танака вылецеў з трасы і апынуўся ў возеры, піша av.by.
На шчасце, сам пілот і штурман здолелі хутка выбрацца з аўтамабіля, які імкліва затануў. Поўнае апусканне Fiesta пад ваду адбылося прыкладна за 15 секунд. Арганізатары паслалі на месца аварыі вадалазаў і кран, які толькі праз 10 хвілін дастаў аўтамабіль з дна.
На поўнае аднаўленне гоначнага хэтчбэка ў каманды сышло 3 гадзіны. Гэтая аварыя, дарэчы, стала далёка не адзінай на падступнай мексіканскай трасе. На ёй перажылі свае далёка не самыя прыемныя моманты экс-пілот Формулы-1 Робэрт Кубіца і адзін з лідараў цяперашняга чэмпіянату Цьеры Нойвіль.