У Гародні аўтамабіль скаціўся ў раку (Відэа)
4- 15.03.2015, 13:21
- 10,170
У цэнтры Гародні адбылося дарожна-транспартнае здарэнне, удзельнікам якога стаў аўтамабіль маркі «Пежо».
Як паведамляе «Вячэрні Гродна», машына скацілася з берага з боку Дома-музея Элізы Ажэшкі, ля якога часта пакідаюць аўтамабілі.
Апынуўшыся ў вадзе, аўтамабіль не заглух. Каб выцягнуць транспартны сродак з ракі, гаспадару давялося выклікаць эвакуатар.
Відавочцы распавялі, што ўсё адбылося ў той момант, калі кіроўца выйшаў з аўто, каб забраць дзяцей з шахматна-шашачнага клуба. Мужчына не стаў глушыць матор, паставіў аўтамабіль на ручнік і накіраваўся за дзецьмі, ён планаваў працягнуць рух літаральна праз пару хвілін.