Начальнік цэха Мазырскага НПЗ знойдзены мёртвым

Афіцыйная версія - самагубства.

Пра гэта сайту charter97.org паведаміў чытач.

«У Мазыры забіты начальнік цэха НПЗ, інфармацыі вельмі мала, растлумачце сітуацыю, магчыма, ён уваходзіў у незалежны прафзвяз», - напісаў ён у лісце.

Сайт charter97.org звярнуўся да лідара прафзвязу радыёэлектроннай прамысловасці (РЭП) Генадзя Фядыніча.

«Не, у прафзвяз ён не ўваходзіў, але чалавек даволі вядомы. Наогул ён падпісваў дакументы, калі справа тычылася ўсякай кампаніі, усякай вытворчасці. Калі мне стала вядомай афіцыйная версія, што ён сам сябе забіў, мне стала цікава, чаму дзяржкантроль, які прызначыў праверку да 11 сакавіка, яе падоўжыў да канца сакавіка. Я баюся памыліцца, але я думаю, што гэты чалавек памёр не сваёй смерцю», - паведаміў Генадзь Фядыніч.