29 сакавiка 2024, Пятніца, 10:38
Падтрымайце
сайт
Сім сім,
Хартыя 97!
Рубрыкі

Замежных кіроўцаў прымусяць плаціць за паліва рублямі

27
Замежных кіроўцаў прымусяць плаціць за паліва рублямі

Замежнікі могуць запраўляцца на нацыянальных дарогах Беларусі толькі за беларускія рублі.

Гэта вынікае з пастановы Савета Міністраў і Нацыянальнага банка №148/8 ад 27 лютага 2015 года.

Згодна з дакумэнтам, выйшла з дзеяння пастанова Саўміна і Нацбанка №799/13 ад 20 чэрвеня 2011 года, якой было ўстаноўлена, што "запраўка аўтамабіляў, зарэгістраваных у замежных дзяржавах, маторным палівам на аўтазаправачных станцыях, размешчаных на аўтамабільных дарогах агульнага карыстання з нумарацыяй "М" , "М/Е" і ў адміністрацыйна-тэрытарыяльных адзінках, у межах якіх ўстаноўленая памежная тэрыторыя Беларусі, ажыццяўляецца выключна за даляры ЗША, еўры, расейскія рублі".

Пастанова №148/8 уваходзіць у дзеянне ў аўторак.

Нагадаем, Нацбанк з 1 сакавіка спыніў выдачу суб'ектам валютных аперацый дазволу на выкарыстанне ў разліках з фізічнымі асобамі замежнай валюты падчас ажыццяўленні раздробнага гандлю, выкананні паслуг на нацыянальных аўтамабільных дарогах з нумарацыяй "М", "М/Е" і ў пунктах прапускання праз Дзяржаўную мяжу Беларусі, рэалізацыі аўтамабільнага бензіну усіх марак, дызельнага паліва і звадкаванага газу, а таксама пры ажыццяўленні страхавой і турыстычнай дзейнасці. Раней выдадзеныя дазволы сёння ўжо не дзейнічаюць.

Навацыя не распаўсюджваецца на выкарыстанне замежнай валюты ў разліках з фізічнымі асобамі ў крамах бязмытнага гандлю. Захады для максімальнага скарачэння выпадкаў выкарыстання замежнай валюты падчас правядзення разлікаў на тэрыторыі Беларусі закліканыя падвысіць давер насельніцтва і суб'ектаў гаспадарання да нацыянальнай валюты і абараніць унутраны спажывецкі рынак.

Напісаць каментар 27

Таксама сачыце за акаўнтамі Charter97.org у сацыяльных сетках