Са сталічнага псіхдыспансера збег пацыент
15- 20.03.2015, 14:10
- 19,017
Раніцай 19 сакавіка на Партызанскім праспекце ў Менску пры транспартоўцы з дыспансэра збег 30-гадовы пацыент.
Знаходзячыся ў салоне аўто, ён разбіў шкло і збег у напрамку вуліцы Рыбалка. Ужо дзень міліцыя шукае яго па ўсім горадзе, але пакуль беспаспяхова, паведамляе прэс-служба ГУУС Мінгарвыканкама.
Адшукваецца 30-гадовы Антон Гасюк, які пражывае ў Доме-інтэрнаце для псіханеўралагічных хворых па вуліцы Ваўпшасава ў сталіцы.
Прыкметы: на выгляд 25-30 гадоў, рост 175-185 см; целасклад сярэдні; вочы блакітныя; кароткая стрыжка, валасы цёмныя прамыя.
Быў апрануты: чорная куртка, байка цёмна-сіняга колеру, спартыўныя штаны цёмнага колеру, макасіны.