Кангрэс ЗША прыняў рэзалюцыю аб пастаўках зброі Украіне

Рашэнне прынята абсалютнай большасцю галасоў.

Адпаведную рэзалюцыю Палата прадстаўнікоў амерыканскага кангрэса прыняла ў аўторак, 24 сакавіка. За дакумент, які носіць рэкамендацыйны характар, прагаласавалі 348 заканадаўцаў, супраць - 48, паведамляе РІА «Новости».

У рэзалюцыі ўтрымліваецца заклік да прэзідэнта ЗША «прымяніць дадзеныя яму кангрэсам паўнамоцтвы для выдавання Украіне смяротнага абарончага ўзбраення». На думку аўтараў дакумента, такі крок дазволіць «павялічыць магчымасці ўкраінскага народа для абароны суверэнітэту».

У дакуменце ўказваецца на тое, што «незалежная, дэмакратычная і квітнеючая Украіна адказвае нацыянальным інтарэсам ЗША».

«Калі мы дапусцім агрэсію ў дачыненні да Украіны і застанемся ўбаку, не даўшы ўкраінцам хоць бы магчымасць абараняцца, то дамо тым самым сігнал сусветнай супольнасці пра тое, што наша гатоўнасць падтрымліваць мірапарадак, што склаўся пасля Другой сусветнай вайны, паменшылася», - сказаў адзін з аўтараў рэзалюцыі рэспубліканец Эд Ройс.

Яго сааўтар дэмакрат Эліёт Энджэл заявіў, што «народ Украіны не разлічвае на амерыканскія войскі». «Яны проста хочуць атрымаць узбраення для таго, каб абараняцца», - сказаў ён.