Рух транспарту ў Менску абмяжуюць

У сувязі з трэніроўкамі войскаў Менскага гарнізона рух транспарту на некаторых вуліцах сталіцы будзе абмежаваны з 20.00.

Пра гэта сайту charter97.org паведамілі ў прэс-службе ДАІ ГУУС Менгарвыканкама.

Абмежаванні руху ўсіх відаў транспарту будуць дзейнічаць да канца праходжання калоны вайсковай тэхнікі па маршруце: паварот на аэрадром «Ліпкі» - МКАД - вуліца Скарыны - вуліца Заснавальнікаў.

Акрамя таго, аналагічныя абмежаванні будуць дзейнічаць на маршруце: вуліца Заснавальнікаў - вуліца Скарыны - МКАД - вуліца Карвата - паварот на аэрадром «Ліпкі» 31 сакавіка з 5.30.

Дзяржаўтаінспекцыя рэкамендуе кіроўцам загадзя планаваць маршрут свайго руху з улікам гэтай інфармацыі.