Фотафакт: На ўездзе ў Берасце згарэў мікрааўтобус «Белтэлекама»
13- 27.03.2015, 14:53
- 17,756
Раніцай 27 сакавіка на ўездзе ў Берасце згарэў мікрааўтобус кампаніі «Белтэлекам».
Здарэнне адбылося на вуліцы Маскоўскай ля павароту на Гарадзенскую. Вось што распавёў «Еўрарадыё» прэс-сакратар абласной управы МНС Сяргей Машкоў:
«Былі высланыя 3 аўтацыстэрны да месца здарэння. Пажар быў ліквідаваны за 9 хвілін. Кіроўца спрабаваў самастойна патушыць, але ў яго не атрымалася. У выніку пажару аўтамабіль быў знішчаны».
Прычыны ўзгарання пакуль высвятляюцца. Паводле папярэдняй інфармацыі, у ДТЗ ніхто не пацярпеў.