Ермакову ўладкавалі ў «Банк БелВЭБ»

Старшынёй назіральнай рады ААТ «Банк БелЗЭБ» абраная Надзея Ермакова.

АБ гэтым паведамляе прэс-служба банка паводле вынікаў гадавога сходу акцыянераў, піша «Інтэрфакс».

«На сходзе разгледжаныя вынікі работы ААТ «Банк БелВЭБ» у 2014 годзе і ход рэалізацыі стратэгічнага плана развіцця банка на 2013-2015 гады, зацверджаныя гадавая справаздача за 2014 у складзе бухгалтарскага балансу, справаздачы аб прыбытках і стратах, справаздачы аб змяненні капіталу і справаздачы аб руху грашовых сродкаў, зацверджанае размеркаванне прыбытку за 2014 і ўстаноўленыя нарматывы размеркавання прыбытку на 2015 год», - пазначана ў паведамленні «Банк БелЗЭБ».

Там адзначаецца, што сход таксама абраў новы склад назіральнай рады і рэвізійнай камісіі, зацвердзіў персанальны склад падліковай камісіі.

Паводле інфармацыі банка, пасля сходу адбылося пасяджэнне новага складу назіральнай рады банка, на якім старшынёй назіральнай рады была абраная Ермакова.

Лукашэнка 27 снежня адправіў у адстаўку кіраўніцу Нацбанку Ермакову і прызначыў на гэтую пасаду Паўла Калавура, які раней займаў пасаду старшыні праўлення банка «БелВЭБ».