ДТЗ у Менску: Peugeot вылецеў на прыпынак
5- 27.03.2015, 20:50
- 17,897
У Менску Peugeot пасля сутыкнення з грузавіком вылецеў на прыпынак і рэзнуўся ў слуп.
Аб аварыі onliner.by паведаміў сведка з нікам de_andrey.
ДТЗ здарылася сёння блізу 11:15 на прыпынку грамадскага транспарту «Круглая плошча» на вуліцы Ваўпшасава. Кіроўца Peugeot рухаўся з боку колавага скрыжавання ў кірунку вуліцы Солтыса. З нейкай прычыне ён выехаў за межы праезнай часткі і рэзнуўся ў слуп. Са слоў відавочцы, пярэдняя частка з боку кіроўцы ў выніку ўдару поўнасцю разбіта.
Моманту ДТЗ de_andrey не бачыў. Ён падбег да акна пасля таго, як пачуў гук удару. «Peugeot ехаў альбо з кола з вуліцы Радыяльнай, альбо наўпрост па Ваўпшасава. У бок вуліцы Солтыса, у тым жа кірунку, выезд на МКАД. Відавочна, ніхто не пацярпеў. У машыне спрацавалі падушкі бяспекі, кіроўца выйшаў, хадзіў каля разбітага аўто, тэлефанаваў кудысьці. Людзі сабраліся. «Хуткай дапамогі» не бачна», - распавёў de_andrey.
Гэты прыпынак грамадскага транспарту не вельмі людны. Тым больш удзень.
Як распавяла старэйшая інспектарка агітацыі і прапаганды ДАІ Партызанскага раёна Таццяна Спадабаева, Peugeot сутыкнулася з грузавіком МАЗ (яго відаць на фота), які рухаўся ў спадарожным кірунку. Ад удару легкавік адкінула за межы праезнай часткі, і ён рэзнуўся ў слуп. У ДТЗ ніхто не пацярпеў. Абодва кіроўцы былі цвярозымі.
Паводле ўдакладненай інфармацыі, у аварыі ўсё ж пацярпеў кіроўца Peugeot. У яго выцятая-рваная рана каленнага сустава. Яму надалі дапамогу на месцы.