Беларускія кампаніі хочуць будаваць у акупаваным Крыме заводы
34- 28.03.2015, 18:14
- 31,598
«Магілёўскі завод ліфтавага машынабудавання» і «Гомсельмаш» разглядаюць магчымасць размяшчэння сваіх зборачных прадпрыемстваў у Севастопалі.
Пра гэта ішла размова на сустрэчы уладаў горада з прадстаўнікамі беларускіх прадпрыемстваў, паведамляе партал «Навіны Крыму».
«Умацаванне эканамічнага базісу рэгіёну - наша асноўная задача. Мы радыя вітаць такія ініцыятывы нашых беларускіх партнёраў», - заявіў намеснік губернатара Севастопаля Дзяніс Дабракоў.
Заснавальнік таварыства «Русінвестпраект» Ігар Навуменка прапанаваў больш дэталёва распрацаваць прапановы і знайсці агульныя падыходы для развіцця ўзаемавыгаднага супрацоўніцтва, паведамляе прэс-служба адміністрацыі Севастопаля.
«Магілёўліфтмаш» - адзін з вядучых вытворцаў ліфтаў ва Усходняй Еўропе, адзначаюць «Навіны Крыму». Кампанія вырабляе пад'ёмныя платформы для інвалідаў, абсталяванне для будаўніцтва, дрэваапрацоўчыя машыны, сельскагаспадарчую тэхніку.
Холдынг «Гомсельмаш» - займаецца вырабам камбайнаў ды іншых складаных машын.