Прадаўцы кветак: «Мужчыны пачалі эканоміць на букетах да 8 Сакавіка»

Пакуль беларусы рыхтуюцца да свята, прадаўцы кветак робяць несуцяшальныя прагнозы.

- Раней 8 сакавіка быў прыбытковым днём, цяпер чакаем яго са страхам, - кажа «Комсомольской правде в Беларуси» прадавец крамы кветак недалёка ад плошчы Перамогі. - 14 лютага кветкі амаль не куплялі, дагэтуль прадаць не можам, глядзіце, млявыя стаяць. Вось і 8 сакавіка цуду не чакаем. Крызіс. Раней мы нашмат болей кветак да свята закуплялі, цяпер кожнага віду бярэм па 20 - 25 кветачак. Цэннік падымаць асабліва не будзем. Зараз галандская ружа каштуе 40 - 50 тысяч, а 8 Сакавіка будзем прадаваць па 45 - 55.

Адпраўляемся да станцыі метро «Інстытут культуры». Выбар кветак тут велізарны, прадаўцоў шмат.

- Пра што вы? Якая выручка? - сумуе прадавец Ірына. - Раней на выкід ішло 30% кветак, а цяпер часам усе 50% на сметнік адпраўляюцца. Людзі перасталі купляць кветкі, гэта факт. Нават арганізацыі стогнуць. У мінулым годзе заказвалі, у гэтым - адмовіліся. Аргумент адзін - няма грошай. Кошты падвышаць буду максімум на 5 - 10 тысяч.

- Так, можа, беларускія кветкі закупіць, а не галандскія?

- Закупляць іх цяпер нявыгадна. Раней мы бралі ружы па аптовым кошце на Ждановічах, цяпер купляць іх можам толькі праз спецыяльную краму. Аплачваем яшчэ і крамную надбаўку. Прасцей працаваць з галандскімі.

ШТО пачым

Колькі каштуюць кветкі да свята?

Прадаўцы назвалі нам меркаваныя кошты на 7-8 сакавіка.