BRUTTO выступіць у Кіеве з новай рэвалюцыйнай праграмай «Партызан-Рок»
- 3.03.2015, 14:15
- 5,556
Сяргей Міхалок, лідар спыніўшага існаванне гурту «Ляпіс Трубяцкі», са сваёй новай групай BRUTTO аб'едзе больш за 20 гарадоў Украіны.
Завершыцца гэты маштабны тур адмысловым канцэртам у Кіеве. 20 сакавіка ў сталічным Sentrum (вул. Шаты Руставелі, 11) BRUTTO прэзентуюць новую праграму «Партызан-Рок».
На сваёй старонцы ў «Фэйсбуку» група размясціла заяву:
«Партызан-Рок - гэта музыка Барацьбы за Свабоду! Не за эфемерную духоўную, а за Сапраўдную Праўдзівую Свабоду - самім вызначаць свой лёс!
Мы не хочам вяртання Саўдэпіі!
Народы Украіны і Беларусі хочуць поўнага вызвалення ад прыгнёту Крамля! Барацьба з таталітарызмам, з бруднай уладай, з пуцінскім імперскім мысленнем - гэта звышзадача і галоўная тэма нашага музычнага супраціву!
Жыве Беларусь! Слава Україні!»