Мінгандлю прымусіла «Еўраопт» аплаціць 230 млрд пратэрміноўкі
8- 3.03.2015, 14:47
- 25,825
Міністэрства гандлю абавязала гандлёвую сетку «Еўраопт» выплаціць пратэрмінаваную запазычанасць пастаўшчыкам у суме звыш 230 мільярдаў рублёў.
Пра гэта сайту charter97.org паведамілі ў прэс-службе ведамства.
Мінгандлю звярнула ўвагу мясцовых улад на неабходнасць надаваць больш увагі праблеме разлікаў з пастаўшчыкамі.
«З 2015 года разлік рэйтынгавай ацэнкі рэгіёнаў будзе ўлічваць рост коштаў прадуктаў харчавання, нехарчовых тавараў і бытавых паслуг у рэгіёне, а таксама стан разлікаў гандлёвых арганізацый з пастаўшчыкамі тавараў», - гаворыцца ў паведамленні.
Неабходна адзначыць, што 13 лютага 2015 г на калегіі Мінгандлю гандлёвым арганізацыям была пастаўленая задача зрабіць захады ў выплаце пратэрмінаванай запазычанасці за харчовыя тавары перад пастаўшчыкамі.
«Пры гэтым Гандлёвай інспекцыі загадана за невыкананне плацежнай дысцыпліны ўжываць самыя жорсткія захады да парушальнікаў Закона Рэспублікі Беларусь «Аб дзяржаўным рэгуляванні гандлю і грамадскага харчавання ў Рэспубліцы Беларусь» аж да закрыцця гандлёвых аб'ектаў», - гаворыцца ў паведамленні.