Расейцы масава выводзяць капітал праз Беларусь

Штодня паступае 400 паведамленняў аб падазроных фінансавых аперацыях;

Беларуская фінансавая разведка фіксуе спробы вываду капіталу з Расеі праз Беларусь у трэція краіны на фоне расейскага фінансавага крызісу. Пра гэта паведаміў дырэктар Дэпартамента фінансавага маніторынгу КДК Беларусі Вячаслаў Рэут ў эфіры тэлеканала «Беларусь 1», паведамляе "Беларусь 1", передает БелТА.

«На сённяшні дзень, вядома, мы вельмі заклапочаныя той сітуацыяй, якая адбываецца ў нашых суседзяў. Як толькі выбухнуў фінансавы крызіс у Расейскай Федэрацыі, то мы бачым, як несумленныя грамадзяне спрабуюць праз нашу банкаўскую сістэму выводзіць актывы ў трэція краіны», - паведаміў кіраўнік фінансавай выведкі.

Ён падкрэсліў, што дэпартамент надае вялікую ўвагу спыненню такіх схем «незаконнага руху».

«Мы адсочваем фінансавыя патокі і стараемся ў іх выявіць менавіта тыя аперацыі, якія з'яўляюцца падазронымі, якія могуць сведчыць пра ўчыненне нейкіх злачынстваў», - таксама адзначыў Вячаслаў Рэут. Ён дадаў, што ў дэпартамент штодня паступае больш за 400 паведамленняў аб падазроных фінансавых аперацыях.

Акрамя гэтага, беларуская фінансавая разведка спыніла незаконную схему вываду грошай з бюджэту усходняй краіны. Інфармацыя пра тое, што магчымая спроба правесці такую аперацыю, паступіла ад аднаго з банкаў.

«Даслоўна праз некалькі дзён пасля паведамлення банка мы атрымалі пацвярджэнне ад падраздзялення фінансавай разведкі гэтай краіны аб гэтым факце. Сумесна з Дэпартаментам фінансавых расследаванняў КДК мы правялі аперацыю. Магу сказаць, што на сённяшні дзень распачата 4 крымінальныя справы, заблакавана $3,5 млн, - сказаў Вячаслаў Рэут. - Нядаўна мы спынілі такую схему, распачалі парадку 15 крымінальных спраў. Больш за Br300 млрд пастаўленыя пад санкцыі».

Кіраўнік фінансавай разведкі дадаў, што ўсяго паводле матэрыялаў Дэпартамента фінансавага маніторынгу ў 2014 годзе было распачата больш за 350 крымінальных спраў.

Фота: Reuters