Жыхары Віцебскай вобласці скардзяцца на чарговы «лахатрон»
20- 30.03.2015, 14:29
- 38,537
Патэлефанаваўшы на тэлефон, указаны ў аб'яве аб «дадатковым заробку», можна стаць жабраком.
Чытачка charter97.org Таццяна папярэджвае жыхароў Віцебскай вобласці аб ашуканцах.
«У Полацку, Наваполацку і Віцебску зноўку сталі раскідваць улёткі з прапановай дадатковага заробку. Ва ўлётках прапануецца надомная праца з магчымай аплатай да 4 мільёнаў рублёў у месяц. Не патрапіце на вуду махляроў! Ніякай працы вы не атрымаеце, а за званок на гэты нумар выставяць рахунак з вялікай сумай», - распавяла яна.
Пацярпелыя паведамляюць charter97.org, што адзін званок на кожны нумар, указаны ў такіх аб'явах, абыходзіцца прыкладна ў 500 тысяч рублёў. Код 902 прысвойваецца «Белтэлекамам» нумарам, якія надаюць платныя інфармацыйна-даведачныя паслугі.
Згодна з інфармацыяй «Белтэлекама», адна хвіліна званка з прэфіксам 902 каштуе ад 99 да 286 тысяч рублёў.
Нагадаем, раней на такія махінацыі скардзіўся жыхар Гомельскай вобласці.