NATO адпраўляе ў Чорнае мора два ракетныя фрэгаты

У Чорнае мора ў чацвер могуць зайсці два фрэгаты NATO з кіраванай ракетнай зброяй.

Пра гэта паведаміла ў сераду "Інтэрфаксу-АВН" вайскова-дыпламатычная крыніца.

"На шляху ў Чорнае мора знаходзіцца фрэгат УРО "Фрэдэрыктан" ВМС Канады і фрэгат УРО "Алізеё" ВМС Італіі, - удакладніў суразмоўца агенцтва. - Усе перамяшчэнні караблёў NATO кантралююцца адпаведнымі сіламі і сродкамі".

Пасля ўзнікнення крызісу ва ўсходніх раёнах Украіны ў Чорным моры практычна ўвесь час знаходзяцца караблі ВМС ЗША і іншых краін NATO.