Рамзан Кадыраў: У нянавісці да вонкавага ворага мы адзіныя
40- 4.03.2015, 16:06
- 29,569
Кіраўнік Чачні заявіў аб тым, што 90% расейцаў падтрымліваюць Пуціна.
Пра гэта Рамзан Кадыраў напісаў у сваім акаўнце ў «Инстаграме», размясціўшы ў ім фота з прэзідэнтам Расеі.
«Дзяржсакратар ЗША Джон Кэры занепакоены, што санкцыямі не ўдалося прымусіць прэзідэнта Расеі Уладзіміра Пуціна змяніць сваю стратэгію. Дзяржсакратар не ведае гісторыю Расеі, наш народ і нашага нацыянальнага лідара, калі ён нават мог падумаць, што Уладзіміру Пуціну і народу Расеі можна дыктаваць волю. У нас свабоднае грамадства, у якім могуць быць людзі з рознымі меркаваннямі. Але ў падтрымцы свайго лідара, у нянавісці да вонкавага ворага мы адзіныя.
Абама, Кэры, Мэркель і іншыя наіўна меркавалі, што санкцыямі разваляць Расею. Але пралічыліся. Эфект адваротны. Каля 90% расейцаў падтрымліваюць палітыку Уладзіміра Пуціна. Такога няма нідзе ў свеце. ЗША і Еўропе лепш раздумацца, прызнаць правал палітыкі санкцый і жыць у міры і згодзе з Расеяй», - піша Рамзан Кадыраў.