Круз, Рычы і Бэкхэм залезлі на трыюмфальную арку дзеля сэлфі
3- 4.03.2015, 18:40
- 14,837
Актор Том Круз, рэжысёр Гай Рычы і футбаліст Дэвід Бэкхэм залезлі на арку Велінгтона ў Лондане, каб зрабіць адтуль сэлфі.
Пра гэта піша Lenta.ru са спасылкай на The Daily Mail.
Бэкхэм апублікаваў здымак у сваім Facebook.
«Вось маё фота з сябрамі Гаем Рычы і Томам Крузам з маёй вячэры з нагоды старту Haig Club London у гэтую нядзелю», - напісаў футбаліст.
1 сакавіка Бэкхэм ладзіў вечарыну, на якой прэзэнтаваў уласную марку віскі Haig Club. Рэжысёрам рэкламнага роліка выступіў Рычы. Круз апынуўся ў Лондане на здымках пятай часткі фільма «Місія невыканальная».
Жонка футбаліста Вікторыя Бэкхэм назірала за небяспечнай прыгодай, не выходзячы з самахода. Фатографы, якія сачылі за падзеямі, знялі ейны незадаволены выраз твару. А сяброўка Рычы Джэкі Эйнслі ўзнялася разам з мужчынамі на самы верхавіну аркі.