Экс-міністра фінансаў Украіны затрымалі ў Гішпаніі
2- 4.03.2015, 20:06
- 12,683
Цывільная гвардыя Гішпаніі затрымала экс-міністра фінансаў Украіны Юрыя Колабава.
Пра гэта паведамляе агенцтва Europa Press са спасылкай на крыніцы ў следчых органах, піша «Еўрапейская праўда».
Паводле інфармацыі крыніц, расследаванне працягваецца, і магчымыя далейшыя арышты.
Як паведамляецца, Юрый Колабаў быў арыштаваны ў Валенсіі, дзе ён знаходзіўся пасля ўцёкаў з Украіны.
Экс-міністр фінансаў Украіны быў абвешчаны ў міжнародны вышук Інтэрпола (чырвоная картка - затрыманне для экстрадыцыі ва Украіну).
Паводле звестак Інтэрпола, Колабава інкрымінуюцца прысваенне, растрата маёмасці або завалодванне ёй шляхам злоўжывання службовым становішчам.
Нагадаем, раней паведамлялася, што Інтэрпол 12 студзеня абвясціў у вышук экс-прэзідэнта Украіны Віктара Януковіча, экс-прэм'ера Мыколу Азарава ды шэраг іншых украінскіх экс-чыноўнікаў.
