Парашэнка: Самая цяжкая ва ўкраінскай гісторыі зіма перажытая
6- 6.03.2015, 18:40
- 15,023
Прэзідэнт Украіны Пётр Парашэнка заявіў, што самая цяжкая ў гісторыі краіны зіма ў мінулым.
Пра гэта ён заявіў падчас рабочай паездкі ў Хмяльніцкую вобласць, паведамілі charter97.org у ягонай прэс-службе.
"Мір і рэформы адкрыюць шлях да прыватных замежных інвестыцый ва Украіну. Самая цяжкая ў нашай гісторыі зіма перажытая. Перамога будзе за намі", - заявіў Парашэнка.
Прэзідэнт праінфармаваў актыў вобласці аб працэсе ўрэгулявання сітуацыі на Данбасе.
Прынамсі, ён выказаў упэўненасць, што ўсе закладнікі будуць вернутыя дадому ўключна з Надзеяй Саўчанкай.
"Мы будзем абараняць кожнага ўкраінца, дзе б ён ні быў", - адзначыў Парашэнка.
Фота: AP