Украінскі журналіст распавёў, чым расейскія СМІ нагадваюць нацысцкую прапаганду

Галоўны рэдактар "Гістарычнай праўды" Вахтанг Кіпіяні заявіў, што расейская прапаганда нагадвае нацысцкую скіраванасцю супраць канкрэтнага народа.

Пра гэта ён паведаміў падчас чату на "Главреде".

У той жа час экспэрт падкрэсліў, што кожны падман расейскіх СМІ выклікае прыступы агрэсіі, праз якія на ўсходзе Украіны гінуць нашы хлопцы.

"Гэта - не смешны жанр: рабіць з украінцаў небяспечных і драпежных істот. Тое ж самае рабіла нацысцкая прапаганда, дэгуманізуючы габрэяў, і яна дасягнула "поспеху", - патлумачыў Кіпіяні.

Паводле ягоных слоў, "немцы ў 30-40-х гадах ХХ стагоддзя забівалі мільёны людзей, і ім не было за гэта сорамна". "Тое ж самае цяпер робяць расейскія акупанты на Данбасе", - мяркуе журналіст.

Акрамя таго, галоўны рэдактар "Гістарычнай праўды" выказаў меркаванне, што ўкраінскія СМІ належным чынам рэагуюць на выклікі - кожны адпаведна сваім творчым і тэхнічным магчымасцям.

"Расея дзейнічае дзесяццю каналамі, але з адной пазіцыяй, бо гэта аўтарытарная дзяржава, і ў яе не можа быць двух пазіцый і двух праўдаў. Мы ж - дэмакратычная краіна, а таму ўладальнікі медыяў, а не дзяржава, вызначаюць кірунак і тон публікацый" , - напісаў экспэрт.

"Менавіта гэта робіць нас "не Расеяй". І губляць гэта было б катастрафічнай памылкай. Наконт сумленнасці і аб'ектыўнасці нашых СМІ, то агулам я мяркую, што яны такімі і з'яўляюцца", - дадаў ён.

Нагадаем, раней Вахтанг Кіпіяні заявіў, што адзінай мэтай забойства журналіста Алеся Бузіны было жаданне Расеі выкарыстаць яго для сваёй прапаганды ў ролі "сакральнай ахвяры".