Пуцін заявіў, што можа прызнаць тэрарыстычныя ДНР і ЛНР
27- 18.04.2015, 15:28
- 12,422
Прэзідэнт Расеі Уладзімір Пуцін не выключае магчымасці прызнання Расеяй самаабвешчаных Данецкай і Луганскай "рэспублік".
Пра гэта Уладзімір Пуцін заявіў у інтэрв'ю вядуоўцу праграмы "Весткі ў суботу" Сяргею Брылёву, каментуючы пытанне аб тым, ці можа ён сабе ўявіць варыянт, пры якім будзе разглядаць магчымасць прызнання "ДНР" і "ЛНР", паведамляе "Інтэрфакс".
Са слоў Пуціна, усялякія размовы пра прызнанне "ЛНР" і "ДНР" цяпер контрпрадуктыўныя.
"Я цяпер не хацеў бы на гэты конт выказвацца. Бо што б я ні сказаў, усё можа быць контрпрадуктыўна. Мы будзем глядзець з рэалій, якія ўзнікаюць у жыцці", - заявіў прэзідэнт РФ.