Начальнік войскамі ЗША ў Еўропе папярэдзіў пра расейскую пагрозу

Расея мяшае звычайныя сродкі вядзення вайны з новымі, больш удасканаленымі кампаніямі прапаганды і дэзінфармацыі.

Начальнік войскамі ЗША ў Еўропе Фрэдэрык Бэн Ходжэс мяркуе, што краіны NATO павінны захоўваць адзінства перад тварам пагрозы з боку Расеі. Пра гэта ён заявіў у інтэрв'ю The Telegraph, піша Liga.net.

"Гэта не здагадка. Існуе расейская пагроза", - падкрэсліў начальнік. Ён адзначыў, што пасол Расеі пагражаў Даніі ядзерным ударам, калі гэтая краіна будзе ўдзельнічаць у сістэме СРА.

Таксама начальнік назваў "непрафесійнымі" паводзіны расейскай вайсковай авіяцыі, самалёты якой пралятаюць без транспандэраў паблізу цывільных самалётаў.

Раней, на мінулым тыдні, былы генеральны сакратар NATO Андэрс Фог Расмусэн у інтэрв'ю Newsweek заявіў, што ўсё больш непрадказальная Расея вядзе гібрыдную вайну з Еўропай, імкнучыся дэстабілізаваць дзяржавы знутры, і цяпер яна больш небяспечная, чым у часы СССР.

Ён выказаў асцярогі, што Расея выкарыстае вайсковую тактыку кшталту той, якую цяпер выкарыстоўвае ва Украіне.

"Расея абрала гэты падыход, сумесь вельмі добра вядомых звычайных сродкаў вядзення вайны з новымі, больш вытанчанымі кампаніямі прапаганды і дэзінфармацыі, у тым ліку спробамі паўплываць на грамадскую думку праз фінансавыя сувязі з палітычнымі партыямі на тэрыторыі краін NATO і ўдзел у НКА", - заявіў экс-генеральны сакратар.