Жыхары Фаніпаля абураныя зруйнаваннем дамоў: Пойдзем да канца

У Фаніпалі хочуць зруйнаваць 250 дамоў, жыхары горада катэгарычна супраць.

У Фаніпалі адбываецца грамадскае абмеркаванне генеральнага плана горада, згодна з якім павінны знесці 250 жылых дамоў, а на іх месцы пабудаваць шматпавярховікі. Мясцовыя жыхары супраць.

Абураных сабралася поўная зала, але здымачную групу «Белсату» ў будынак міліцыя не прапусціла, чым парушыла і Канстытуцыю, і закон аб СМІ. Як толькі журналісты ўключылі камеру, кіраўнік Фаніпальскай міліцыі Генадзь Матусевіч схаваўся за дзверы.