Цыклон Udo прынясе ў Беларусь мокры снег і моцны вецер

20 красавіка надвор'е не палепшыцца, кажуць сіноптыкі.

Цыклон Udo лютуе ў Беларусі ўжо чацвёрты дзень. Паводле прагнозаў сіноптыкаў, у панядзелак сітуацыя не палепшыцца. Гідраметцэнтр Беларусі папярэджвае аб неспрыяльных варунках надвор'я ў панядзелак, 20 красавіка, піша «Комсомольская правда в Беларуси».

Цыклон прынясе моцныя дажджы і мокры снег. Чакаюцца нават прымаразкі. Паводле прагнозаў сіноптыкаў, уночы тэмпература апусціцца да -1 градуса цяпла, а ўдзень складзе ад трох да дзевяці градусаў цяпла. Вецер будзе паўночна-заходні, халодны, парывы могуць дасягаць 15-20 метраў за секунду.

Нагадаем, усяго за чатыры дні ў краіне вецер абясточыў 380 населеных пунктаў, сарваў дахі ў сотнях будынках і жылых дамоў.