Навукоўцы высветлілі, як павялічваюцца кантыненты

Жыццё на Зямлі, нягледзячы на ўсе звязаныя з ёй эразійныя працэсы, прымушае кантыненты павялічвацца ў памеры.

Да такой нечаканай высновы прыйшлі нямецкія геолагі, якія прадставілі свой даклад на штогадовай канферэнцыі Еўрапейскай асацыяцыі навук аб зямлі, якая праходзіць цяпер у Вене. Коратка пра высновы навукоўцаў паведамляе Science News.

Эрозія (разбурэнне горных парод) адбываецца не толькі праз вецер і ваду. Расліны пранікаюць сваімі каранямі ў тоўшчу пароды, што дробніць яе і ператварае ў пыл і глей. Далей гэтыя мяккія адкладанні ўсмоктваюць ваду, у выніку чаго ў мантыю Зямлі трапляе ўсё больш вадкасці. Дэфіцыт жа вады ў мантыі (на глыбіні 100-200 кіламетраў) памяншае колькасць «змазкі», неабходнай для ўтварэння кантынентаў, паведамляе Lenta.ru.

Аб'яднаўшы гэтыя працэсы ў сваёй мадэлі планетарнай эвалюцыі, геолагі выявілі, што пры адключэнні эрозіі кантыненты доўгі час заставаліся вялікімі. Аднак калі выказаць здагадку, што жыцця на Зямлі не было, то ў мантыю не трапіла б дастаткова вады для ўтварэння новай кары.

Цяпер кантыненты займаюць 40 адсоткаў планеты. Калі прыбраць усе формы жыцця, то гэтая велічыня хутка скарацілася б да 30 адсоткаў. Калі ж уявіць, што жыцця на Зямлі ніколі не было, то кантыненты займалі б максімум 10 адсоткаў плошчы планеты. Такім чынам, на заселеных нябесных целах жывыя арганізмы фармуюць нават іх геалагічнае ўтварэнне, рэзюмуюць навукоўцы.