Буйны пажар у Магілёве: на рэгенератарным заводзе загарэліся гумовыя адкіды
2- 22.04.2015, 17:47
- 16,198
Гумовыя адкіды вытворчасці загарэліся на тэрыторыі рэгенератарнага завода ў Магілёве.
Пра гэта паведамілі БелаПАН у Магілёўскай абласной управе МНС.
З розных месцаў абласнога цэнтра бачныя велізарныя клубы дыму ў раёне вуліцы Чэлюскінцаў.
Паводле звестак МНС, узгаранне ўзнікла блізу 14:30. На ліквідацыю пажару прыбылі некалькі падраздзяленняў пажарных.
Пакуль дакладная плошча ўзгарання невядомая. Няма інфармацыі і аб магчымых пацярпелых.