Рух па Кальварыйскай абмяжуюць

З 23:00 25 красавіка да 5:00 27 красавіка будзе часткова абмежаваны рух транспартных сродкаў па вуліцы Кальварыйскай на адцінку ад вуліцы Гусоўскага да пуцеправода.

Прычына простая: асфальтабетоннае пакрыццё праезнай часткі. Абмежаванні будуць уведзеныя і на іншых вуліцах, піша onliner.by.

Таксама 25 красавіка з 08:00 да 20:00 і 26 красавіка з 08:00 да 20:00 будзе часова забаронены рух тралейбусаў па вуліцы Адзінцова (адцінак ад вуліцы Лабанка да вуліцы Жэбрака) на перыяд выканання работ па пераўладкаванні пакрыцця праезнай часткі.

Рух транспартных сродкаў па вуліцы Смаленскай на адцінку ад вуліцы Леніна да вуліцы Чырвонаармейскай будзе цалкам забаронены на перыяд выканання дарожных работ з 25 да 26 красавіка.

А рух транспартных сродкаў па вуліцы Скрыганава будзе забаронены з 23:00 30 красавіка да 05:00 4 траўня.

Сталічная Дзяржаўтаінспекцыя рэкамендуе кіроўцам загадзя планаваць маршрут свайго руху з улікам гэтай інфармацыі.