29 сакавiка 2024, Пятніца, 11:40
Падтрымайце
сайт
Сім сім,
Хартыя 97!
Рубрыкі

Пасла Украіны адклікаюць з Менска

6
Пасла Украіны адклікаюць з Менска

Пятро Парашэнка прыняў пастанову аб адклiканнi амбасадара Украіны ў Беларусі Міхаіла Ежаля.

Пра гэта ён сказаў на палігоне "Шырокі лан" пад Мікалаевам, дзе браў удзел у вучэннях дэсантнікаў, перадае "Укрінформ".

"Прынятая пастанова аб адклiканнi амбасадара ў Беларусі Міхаіла Ежаля. Цяпер афармляюцца адпаведныя дакументы. Менск цяпер адыгрывае вельмі вялікую ролю ў мірным перагаворным працэсе, таму я павінен забяспечыць там сталую прысутнасць амбасадара", - патлумачыў Пятро Парашэнка.

Нагадаем, Міхаіл Ежаль з 2010 да 2012 займаў пасаду міністра абароны Украіны. У красавіку 2013 тагачасны прэзідэнт Віктар Януковіч прызначыў яго Надзвычайным і Паўнамоцным паслом Украіны ў Беларусі.

У жніўні 2014 Генеральная пракуратура абвясціла былому міністру абароны падазрэнне ў рамках расследавання крымінальных спраў, якія тычацца знішчэння тылавога забеспячэння ўкраінскага войска.

У канцы мінулага месяца ў МЗС Украіны заявілі, што падалі прэзідэнту Украіны прапанову аб адклiканнi Ежаля.

Напісаць каментар 6

Таксама сачыце за акаўнтамі Charter97.org у сацыяльных сетках