Пасажырскі лайнер экстранна сеў у Стамбуле праз палаючы рухавік
3- 25.04.2015, 18:36
- 10,003
Самалёт кампаніі Turkish Airlines накіроўваўся ў Мілан, але быў вымушаны вярнуцца ў Стамбул, бо неўзабаве пасля ўзлёту загарэўся правы рухавік.
Пасажырскі авіялайнер з палаючым рухавіком здзейсніў у суботу экстраную пасадку ў аэрапорце Стамбула, паведамляе "Інтэрфакс" са спасылкай на турэцкую тэлевізію.
Самалёт кампаніі Turkish Airlines накіроўваўся ў Мілан, але быў вымушаны вярнуцца ў Стамбул, бо неўзабаве пасля ўзлёту загарэўся правы рухавік. На перададзеных тэлеканалам кадрах відаць, што лайнер Airbus A320 паспяхова прызямліўся, аднак падчас тармажэння рухавік чапляў пакрыццё ўзлётна-пасадачнай паласы, высякаючы іскры.
Пасажыры не пацярпелі. Колькі чалавек было на борце, не ўдакладняецца.