Аэрапорт Рыгі эвакуіраваны праз пагрозы выбуху
1- 27.04.2015, 9:34
- 18,023
Раніцай 27 красавіка прыпыненая праца міжнароднага аэрапорта «Рыга».
Усе пасажыры і персанал былі экстрана эвакуаваныя з тэрыторыі, а самалёты цяпер перанакіроўваюцца ў найбліжэйшыя аэрапорты. Пра гэта журналістам паведаміла прадстаўнік прэс-цэнтра аэрапорта Сармітэ Рынманэ, піша ТАСС.
Са слоў прэс-аташэ, званок аб магчымым выбуховым прыстасаванні ў аэрапорце паступіў а 7:00 раніцы паводле мясцовага часу.
«На гэты момант спыненыя авіякамунікацыя - уваходныя і выходныя рэйсы не вядуцца. Адказныя службы займаюцца аглядам тэрмінала», - сказала яна.
Праз пагрозу тэракту была праведзеная экстраная эвакуацыя пасажыраў і работнікаў. У іншыя аэрапорты былі перанакіраваныя самалёты, якія рухаліся ў Рыгу з Нью-Ёрка, Таліна, Палангі, Мальты, Хельсінкі, Тбілісі, Білунды і Ставангэра.
Міжнародны аэрапорт «Рыга» - аэрапорт, размешчаны ў Марупскам краі Латвіі за 13 кіламетраў ад цэнтра сталіцы Латвіі. Самы буйны аэрапорт у краінах Балтыі па аб'ёме грузавых і пасажырскіх перавозак.