Падчас параду ў Гомелі памерла пенсіянерка
1- 11.05.2015, 15:37
- 14,642
У Гомелі падчас параду памерла пенсіянерка, жанчына 1949 нараджэння.
Пра гэта паведамілі БелаПАН у УСК Гомельскай вобласці.
Праверку аб факце смерці жанчыны праводзіць гарадскі аддзел СК. Прызначана судова-медыцынская экспэртыза для ўстанаўлення прычыны смерці.
Пенсіянерцы стала дрэнна падчас параду, яна пачала губляць прытомнасць ля скрыжавання вуліц Савецкай і Ланге. Медыкі правялі рэанімацыйныя мерапрыемствы, але ўжо нічога не змаглі зрабіць. Жанчына была ветэранам спорту.