Экс-прэм'ер Літвы: «Пуцін зрабіў на мяне ўражанне гопніка»

Былы прэм'ер-міністр Літвы Андрус Кубілюс параўнаў прэзідэнта Расеі Уладзіміра Пуціна з гопнікам.

Пра гэта ён заявіў, разважаючы падчас інтэрв'ю аўстрыйскай газеце Die Presse аб правільнасці пастаноў уладаў Літвы адправіць смяротнае ўзбраенне ва Украіну.

«У заходніх сталіцах кажуць, што вось, маўляў, калі вы адправіце ім (украінцам) смяротнае ўзбраенне, вы тым самі справакуеце расейскае войска. Я ж кажу, што, калі мы не дадзім Украіне дастатковай вайсковай падтрымкі, гэта яшчэ больш справакуе расейскіх вайскоўцаў. Я называю гэта бандыцкім менталітэтам: яшчэ ў 2010 годзе на пасадзе прэм'ер-міністра я цягам гадзіны меў нефармальную гутарку з Пуціным, і пасля яе ў мяне з'явілася ўражанне, што я ўжо даўно ведаю гэтага чалавека. Ён нагадаў мне маладога гопнікі з прыгарада Вільні, дзе жывуць рускамоўныя, - заявіў экс-прэм'ер. - Калі такі чалавек разумее, што ты хочаш весці перамовы, ён прымітыўна трактуе гэта як тваю слабасць і наносіць удар».

З дапамогай вайсковай агрэсіі ва Украіне, мяркуе Кубілюс, Пуцін не пераследуе стратэгічную мэта яе акупацыі: «Ён хоча прадухіліць ператварэнне Украіны ў эканамічна квітнеючую дзяржаву, паколькі гэта стала б вялікай небяспекай для ягонага рэжыму». «Таму адзіны спосаб, з дапамогай якога мы можам дапамагчы Расеі стаць нармальнай дзяржавай – гэта падтрымаць Украіныу», - мяркуе літоўскі палітык. Расейскі ўрад, кажа ён, «скінуць расейцы, якія ўсвядомяць, што іх суседзі і сваякі ва Украіне здолелі пабудаваць паспяховую дзяржаву».

Агулам жа праблемы Расеі - следства постімперыялістычнага сіндрому, заключае Кубілюс: «Расея была апошняй разваленай імперыяй у Еўропе. Францыя, да прыкладу, таксама адчувала праблемы, калі страціла свае калоніі. У выпадку Расеяй усё пагаршаецца тым, што належалі ёй калісьці тэрыторыі знаходзяцца паблізу ад яе. Такім чынам, Пуцін абараняецца ад таго, што ўжо здарылася, ад развалу і перашкаджае ператварэнню Расеі ў нармальную краіну».

Ваша краіна можа прымаць расейскія тэлеканалы, але закрыла іх. Гэта дэмакратычна? - спытаў журналіст.

Свабода выказвання не можа ператварацца ў свабоду дэзінфармацыі, адказаў суразмоўца выдання. «На Захадзе недаацэньваюць тое, з чым мы сутыкаемся, бо літоўцы разумеюць па-руску. Як я ўжо казаў, Гебельс пазайздросціў бы расейскай тэлевізіі. Калі вы ў Еўропе хочаце ўбачыць, што такое фашызм на дзяржаўным узроўні, паглядзіце расейскае дзяржаўнае тэлебачанне. Усюды прапаганда , татальная дэзінфармацыя, і гэта эфектыўна працуе», - сказаў Кубілюс.

Пераклад на беларускую: Inopressa.ru