Швэд зрабіў «сэлфі года» дзякуючы кенгуру
2- 2.05.2015, 10:02
- 8,983
26-гадовы турыст Дэніс Карлсан шпацыраваў па аўстралійскім пляжы, і ў нейкі момант ён заўважыў, што кенгуру капаецца ў яго заплечніку, пакінутым на беразе.
Швэд адабраў у жывёліны свае рэчы, у тым ліку моркву, якую ён купіў сабе на абед, піша gazeta.ru.
Дэніс Карлсан разважыў, што кенгуру выглядае прыязным і надумаўся з ім сфатаграфавацца. Атрыманы здымак стаў «вірусным» у Швэцыі і атрымаў годнасць «сэлфі года». Фота стварае ўражанне, што не чалавек корміць жывёлу морквай, а жывёла чалавека.
Выданню TheLocal.se Карлсан заявіў, што быў бы рады, калі б ягоны здымак перамог які-небудзь афіцыйны конкурс сэлфі. «Спадзяюся, што прызам будуць морквы», - пажартаваў ён.