Балівійскі футбаліст забіў самы запамінальны гол года

Балівійскі футбаліст клуба «Странгест» забіў запамінальны гол у каляндарным матчы чэмпіянату краіны.

31-гадовы паўабаронца Эрнэста Крыстальда забіў практычна з цэнтра поля, піша obozrevatel.com.

У адным з эпізодаў спаборнікі «Странгеста» доўга перакочвалі мяч на сваёй палове поля. Справа дайшла да таго, што адзін з футбалістаў не змог прыняць досыць простую перадачу, і страціў мяч у цэнтры поля.

Крыстальда апынуўся першым ля мяча і, убачыўшы, што брамнік трохі выйшаў з брамаў, прабіў у дотык. Мяч, з метраў 45, трапіў дакладна ў «дзевятку».