«Газпрам» атрымаў ад Украіны яшчэ $30 мільёнаў перадаплаты
- 22.05.2015, 12:16
- 16,943
На разліковы рахунак «Газпрама» паступілі яшчэ $30 млн. ад «Нафтагаза».
Пра гэта паведамляе прэс-служба расейскай кампаніі.
«Сёння на разліковы рахунак Газпрама паступілі яшчэ $30 млн. ад «Нафтагаза Украіны» ў якасці перадаплаты за пастаўку расейскага газу ў траўні», - сказана ў паведамленні.
Нагадаем, 1 красавіка «Нафтагаз» і «Газпрам» падпісалі трохмесячны кантракт на пастаўку расейскага газу ва Украіну коштам $248 за тыс. кубаметраў. Са слоў міністра энэргетыкі Уладзіміра Дземчышына, кошт еўрапейскага газу для Украіны на той момант складаў блізу $270-280 за тыс. кубаметраў. Пры гэтым міністр заявіў, што Украіна прадоўжыць закупкі газу на еўрапейскім рынку, нягледзячы на зніжэнне кошту на расейскае паліва. Аднак ужо ў першы тыдзень красавіка Украіна скараціла дзённыя аб'ёмы імпарту прыроднага газу з Вугоршчыны больш чым у 6 разоў.